Denar Biba i përgjigjet Braçes: E vlerësoj presionin e tij pozitiv

Denar Biba tha se e vlerëson aktivizmin e deputetit Erion Braçe.

“Duhet vlerësuar një lloj aktivizmi i vazhdueshëm që na mban ne nën një presion pozitiv,” – u shpreh drejtuesi i Autoritetit të Konkurrencës.

Reagimi erdhi për deklaratën e Braçes i cili nuk ishte dakord me vendimin e Autoritetit të Konkurrencës për të mos gjobitur bizneset pas rritjes së çmimit të bukës. Kujtojmë se në atë kohë drejtuese e AK ka qenë Juliana Latifi.

Sipas Bibës, Braçe ndan të njëjtat shqetësime me të, si për shembull, devijimi i çmimeve nga bujku e deri në treg. Sidoqoftë deklarata e tij në të cilën u përdor termi “kartel” është politike.

“Mirë është që politikanët të mos bëjnë dhe prokurorin, dhe gjyqtarin, dhe ekspertin e konkurrencës, dhe opinionin publik, dhe vet i vendosin dhe vet i vulosin të gjitha,” – u shpreh drejtuesi i AK.

LEXONI GJITHASHTU:

• Denar Biba: Gjoba nga Konkurrenca për bizneset mund të rriste çmimin e bukës