Denata Toçe: Po legjitimohet dhuna në familje

Psikologia Denata Toçe u shpreh për “SOT” në Euroneës Albania se dhunë në familje po legjitimohet.

Kultura jonë, sipas saj ende nuk është mësuar me mënyrën e duhur si duhen edukuar fëmijët për të mos u rritur me dhunë, apo për të mos u frymëzuar nga dhuna.

Legjitimimi të cilin psikologia e cilësoi si të zakonshëm në shtëpi e në shkollë, po zhvillohet aq shumë sa dhuna duket tashmë si pjesë e edukimin dhe jetës së përditshme.

Një nga problematikat kryesore që Toçe ngriti është komunikimi, i cili mungon dhe padyshim vret marrëdhënien prind-fëmijë.

“Është vrastare të mendosh që ne nuk i kemi mësuar dhe nuk i kemi edukuar fëmijët tanë që të besojnë dhe të veprojnë se ata kanë të drejta,” – u shpreh ajo ndërsa theksoi se prindi është i gabueshëm dhe këtë gjë duhet ta parashtrojë dhe te fëmija.