Dënohet me vdekje reperi 32-vjeçar, mbështeti protestat për Mahsa Aminin

Reperi disident Toomaj Salehi është dënuar me vdekje për përfshirjen e tij në protestat e përhapura që përfshiu Iranin në vitin 2022.

“Është lëshuar urdhri për ekzekutimin e Toomaj Salehi-t”, tha avokati i Salehit, Amir Raesian.

Sipas Euronews Culture reperi është arrestuar, mbajtur në izolim dhe dyshohet se është torturuar pas arrestimit të tij.

Salehi, 32 vjeç, ka qenë kritik ndaj regjimit iranian dhe i hapur kundër qeverisë në tekste rep dhe në mediat sociale.

Ai ishte i përfshirë në protesta disajavore që përfshinë vendin pas vdekjes së 22-vjeçares Mahsa Amini, e cila rezultoi në një shtypje brutale të protestave nga autoritetet iraniane. Amini vdiq në paraburgimin e policisë së moralit të vendit pasi u ndalua për veshjen e hixhabit të saj shumë të lirë.

Salehi është i njohur kryesisht për këngët e tij protestuese në lidhje me çështjet shoqërore të Iranit dhe politikat e qeverisë së Republikës Islamike të Iranit – këngë duke përfshirë “Mouse Hole”, “Turkmenchay” dhe “Pomegranate”.

LEXONI GJITHASHTU:

• Raporti i OKB-së: Irani është përgjegjës për dhunën që çoi në vdekjen e Amini 
• “Kam probleme me zemrën” – GJKKO pranon kërkesën e Breçanit për ekzaminim mjekësor