Deputetë të opozitës në dosjen “Ahmetaj”? Vasili: Të shkojnë ku kanë vendin…

Deputeti i Partisë së lirisë, Petrit Vasili ishte këtë të premte i ftuar në Euronews Albania për të folur për çështjen e Arben Ahmetaj.

I pyetur nëse në dosjen e ish-zëvendës kryeministrit Ahmetaj janë të përfshirë edhe deputetë të opozitës, Vasili tha se nëse ka duhet që drejtësia të veprojë e ata të shkojnë “ku kanë vendin”, pasi sipas tij paratë e shqiptarëve ndërkohë po vazhdojnë të ikin nëpër “off shore” dhe po bëhen gjithnjë e më të pamundura për t’u kthyer.

“Kushdo që të përmendet të shkojë atje ku e ka vendin. Këta janë përmendur nga SPAK-u vetë. Në qoftë se kanë t’i nxjerrin. Ti nxjerrin dokumentet, ne si opozitë, ne si forcë politike, por edhe partia demokratike apo Nisma Thurje të nxjerrin gjithë dokumentet që kanë mundur të zbulojnë në emër të drejtësisë.

Të shkojë puna deri në fund, se unë kam një problem tjetër, paratë po ikin, po zhduken nëpër “off shore”, po bëhen të pamundura për t’u kthyer, jemi vjedhur, ti unë dhe gjithë të tjerët. Sa më shumë vonon, aq më i parikuperueshëm bëhet dëmi”,-tha deputeti i Partisë së Lirisë, Petrit Vasili.

LEXONI GJTIHASHTU:

• Regjisori i famshëm i “Spirited Away” publikon filmin e tij të fundit
• Prokuroria në Serbi do t’i kërkojë SHBA-së prova për rastin e Vulinit