Deputeti i Partisë Socialiste, Denis Deliu deklaroi se ekspertët e FBI-së, kanë dhënë kontributin e tyre në vendin tonë ndaj sulmeve kibernetike nga hakerat iranianë.
Në emisionin “Now” në Euronews Albania, Deliu u shpreh se institucionet shqiptare kanë rezistuar, edhe pse ka pasur rrjedhje informacioni.
“Te lufta kibernetike nuk kemi të bëjmë me një haker, por me një grup të trajnuar, të sofistikuar, të investuar me shuma të mëdha, nga qeveria islamike e Iranit. Përballë sulmit, mendoj që institucionet kanë rezistuar, ka rrjedhje, por kanë rezistuar.
Deklaratat e kryeministrit kanë qenë të këshilluara dhe koordinuara nga ekspertë. Kemi pasur ekspertët më të mirë të Infosoft dhe FBI-së për të hetuar ngjarjet. Kemi dhe një hetim nga prokuroria shqiptare”, theksoi ai.
LEXONI GJITHASHTU