Deputeti i zgjedhur i PS-së në Dibër, Agron Malaj ka paditur në Gjykatën e Posaçme Antikorrupsion deputetin e Partisë Demokratike Xhelal Mziu për veprën penale “Shpifje” e kryer botërisht.

Një padi e tillë erdhi pas një deklarate të bërë nga Xhelal Mziu një ditë përpara zgjedhjeve parlamentare të 11 majit.

Në Maqellarë më 10 maj u shënua një incident, ku simpatizantët e Partisë Demokratike ndaluan një automjet duke pretenduar se personat që ishin në të, po shpërndanin para me qëllim blerjen e votave në favor të Partisë Socialiste.

Pas këtij incidenti, drejtuesi politik i qarkut Dibër i PD Xhelal Mziu, akuzoi kandidatin e PS Agron Malaj, duke thënë se automjeti që po shpërndante para ishte i tij.

Deklarata solli edhe reagimin e Malajt i cili mohoi diçka të tillë dhe akuzën e Xhelal Mziut, e cilësoi shpifje.

Çështja është regjistruar në gjykatë, teksa këtë të hënë nga shorti elektronik është caktuar gjyqtarja Irena Gjoka për të shqyrtuar çështjen.

Ndërkaq, kjo e fundit pritet të caktojë një datë për zhvillimin e seancës.

LEXONI GJITHASHTU:

• Ajola Xoxa paraqitet në SPAK, zbaton masën e vendosur nga gjykata
• Arrestohet lideri i partisë kryesore opozitare në Republikën Sërpska