Deputeti nga pakica serbe, dështon të zgjidhet nënkryetar i Kuvendit të Kosovës

Kuvendi i Kosovës ka dështuar sërish të konstituohet plotësisht, pasi asnjë nga kandidatët e propozuar për nënkryetar nga komuniteti serb nuk ka arritur të marrë votat e nevojshme. Deputeti Nenad Rashiq, kandidati i propozuar nga pakica serbe, nuk arriti të zgjidhet për herë të dytë në këtë post.

Rashiq mori 56 vota pro, 1 kundër dhe 20 abstenime, duke mos arritur shumicën e kërkuar. Sipas rregullores, ai mund të rikandidohet vetëm edhe një herë.

Kryetari i Kuvendit, Dimal Basha, ndërpreu seancën dhe njoftoi se administrata e Kuvendit do të komunikojë më vonë datën e rifillimit të saj. Ai i ftoi partitë parlamentare në konsultime për gjetjen e një zgjidhjeje, pasi zgjedhja e nënkryetarit nga komuniteti serb është hapi i fundit për konstituimin e plotë të Kuvendit.

LEXONI GJITHASHTU:

• Lista Serbe: Po shkelen të drejtat e serbëve në Kuvendin e Kosovës
• Ndahet nga jeta në moshën 66-vjeçare aktori i njohur Naun Shundi