Deputetja demokrate: Grupimi Alibeaj mban qëndrim kundër linjës së Berishës

Deputetja e Partisë Demokratike, Sorina Koti tha në një intervistë për Euronews Albania se grupimi i Enkelejd Alibeajt mban një qëndrim kundër linjës së Sali Berishës.

“Ka pasur dhe çështje të tjera kur deputetët e Partisë Demokratike bëhen bashkë pavarësisht pozicionimit,” – u shpreh ajo.

Koti shtoi se pavarësisht se për denoncimin e aferave të kryeministrit Edi Rama të gjithë bien dakord, kjo nuk ka mjaftuar.

“Në dijeninë time pothuajse të gjithë deputetët e Partisë Demokratike i kanë denoncuar aferat e kryeministrit, por për shkaqet tona të brendshme, kemi një pjesë të kolegëve që janë përjashtuar dhe kryetari i grupit parlamentar nuk pranon që deputetët e Partisë Demokratike të rikthehen përsëri në grupim, kështu që është pjesë e grupimit që nuk pranon bashkimin e të gjithë deputetëve nën logon e Partisë Demokratike,” – tha Koti.