Derbi Partizani-Tirana, tekniku: Nuk jemi ku duhet

I planifikuar për tu luajtur në javë ne 6 të Superligës Shqiptare, por derbi Partizani-Tirana luhet pasditen e 19 tetorit. Dy skuadrat të cilat vijnë pak a shumë në të njëjtat kushte në këtë sfidë i kanë dhënë fund edhe përgatitjeve, me bardheblutë të cilët do të drejtohen nga Julian Ahmataj.

Në konferencën për shtyp, ky i fundit ka pohuar se skuadra nuk është atje ku duhet.

 “Mendoj se nuk jemi atje ku duhet, por duhet të bëjmë maksimumin për të arritur aty ku pretendojmë,” – tha ai.

Më tej, tekniku shpreson që lojtarët t’i përshtaten plotësisht lojës.

“Na duhet forma e mirë e organizuar e skuadrës. Jo vetëm forma individuale e çdo lojtari, por forma totale e skuadrës. të jetë koordinimi i duhur për të përballuar një ndeshje futbolli dhe për të bërë më të mirën në fushë,” – u shpreh trajneri.

I pranishëm në konferencën për shtyp ishte dhe futbollisti Kristal Abazaj, i cili premton gol në derbi.

 “Koha për të shënuar në derbi? Po besoj se ka ardhur momenti, pasi kam kaluar një ngërç edhe psikologjik le të themi, sepse janë diku te 7-8 ndeshje për të shënuar gol. Por për këtë gjë nuk jam aspak nën presion dhe shpresoj që nesër të shënoj,” – tha ai.

Tirana ka arritur të grumbullojë 13 pikë në 7 javë kampionat, ndërsa në anën tjetër Partizani ka një ndeshje më pak të luajtur, e renditet në vendin e pestë.

LEXONI GJITHASHTU:

• Shtyhet derbi i kryeqytetit, ja kur do të luhet Partizani-Tirana
• Spostohet derbi i kryeqytetit Partizani-Tirana, ja kur do luhet