Shtyhet derbi i kryeqytetit, ja kur do të luhet Partizani-Tirana

Derbi i kryeqytetit mes Partizanit dhe Tiranës nuk do të zhvillohet më 26 shtator, ashtu siç ishte planifikuar.

Federata Shqiptare e Futbollit ka pranuar kërkesën e Partizanit për të shtyrë më 19 tetor, ndeshjen, e cila do të zhvillohet në stadiumin “Air Albania”.

Vendimi është marrë për të mundësuar një numër më të madh të tifozëve, çka stadiumi i Partizanit nuk e ofron si hapësirë, por edhe për të patur një siguri më të lartë gjatë ndeshjes.

Njoftimi i FSHF

Organizimi i derbit të kryeqytetit dhe mbarëvajtja sa më e sukseshme e kësaj ndeshjeje të rëndësishme ka mbledhur ditën e sotme drejtuesit më të lartë të dy klubeve, përfaqësuesit e Policisë së Shtetit dhe drejtuesit e Departamentit të Garave në Federatën Shqiptare të Futbollit.

Partizani si organizator dhe klubi Tirana kanë bërë kërkesë që ndeshja Partizani-Tirana e vlefshme për javën e gjashtë të Abissnet Superiore, e planifikuar për tu luajtur më datë 26 shtator, të spostohet për datë 19 tetor 2023, që ti japë mundësi tifozëve të shumtë të të dy klubeve ta ndjekin ndeshjen në “Air Albania Stadium”.

LEXONI GJITHASHTU:

• Rruga drejt Gjermanisë, Silvinjo rrëfehet në Euronews Albania: Do bëjmë maksimumin
• UEFA dënon incidentet në ndeshjen Shqipëri-Poloni, FSHF apel tifozëve