Dëshmon në Gjykatë Alma Kaçi: Pse e filmova aktin në zyrën e Gjicit, jam viktimë

Alma Kaçi e cila është arrestuar pasi u shfaq në video me ish-kryebashkiakun e Kukësit Safet Gjici, ka dëshmuar ditën e sotme para togave të zeza.

Burime për Euronews Albania, bëjnë me dije se ajo është shprehur se e ka xhiruar herën e dytë aktin duke qenë se herën e parë kryebashkiaku e ka ngacmuar seksualisht.

Kaçi thekson se në këtë ngjarje është viktimë.

“Jam viktimë, kisha projekt, merrem me qentë, kam 20 qenë në shtëpi. E xhirova pasi herën e parë kur e takova ai me ngacmoj dhe vendosa ta filmoj ne takimin e dytë”- tha ajo.

Gjykata e Posaçme ka dhënë sot masën e sigurisë “arrest me burg” për ish-kryebashkiakun e Kukësit, Safet Gjici. Ndërsa, për Alma Kaçin, vajzën e cila u shfaq në videon intime me Gjicin, Gjykata dha masën “arrest shtëpie”.

Ish-kryebashkiaku i Kukësit akuzohet për “Shpërdorim të detyrës”, pasi nga një video e plotë e skandalit seksual në zyrën e tij, doli se Alma Kaçi i kishte kërkuar favore për një tender për sterilizimin e qenëve dhe Gjici e kishte aprovuar.

LEXONI GJITHASHTU: 

• “Ka fëmijë dhe nënë të sëmurë”, avokatja e Kaçit: S’duhet të kishte masë sigurie
• “Shtëpia u përmbyt për 30 sekonda”, burri nga Peja rrëfen si humbi gruan dhe djalin