Dështimi me afatin e ‘Zgjedhores’, Basha mbledh aleatët, ambasadorët mësyjnë në selinë e PD

Kreu i Partisë Demokratike Lulzim Basha ka thirrur në një takim aleatët sot, pas dështimit për të arritur konsensus për reformën zgjedhore në tryezën e Këshillit Politik mbrëmjen e 31 majit.

Takimi është njoftuar të nisë në orën 14:00. Ndërkohë, në orën 15:00, një grup ambasadorësh, përfshirë ambasadoren e SHBA, atë të BE dhe Britanisë së Madhe kanë planifikuar një takim me kreun e opozitës, në selinë e PD.

Me herë ambasadorja e SHBA Yuri Kim reagoi përmes një postimi në rrjetet sociale, duke iu kërkuar palëve që të hiqnin dorë nga kushtet dhe të përmbyllnin sa më shpejt reformën zgjedhore.

Edhe ambasadori i BE, Luigi Soreca, në një linjë me diplomaten amerikane, kërkoi nga palët të realizojnë reformën zgjedhore e cila është një nga kushtet e rëndësishme në procesin e integrimit evropian.

#Electoralreform fully in line with OSCE/ODHIR recommendations is necessary condition to move forward on ??integration.
An immediate agreement by all sides in the Political Council is within reach and should be concluded now to start?? accession negotiations as soon as possible

— Luigi Soreca?? (@LSorecaEU) June 1, 2020