Dështon mbledhja e komisionit hetimor për zgjedhjet, anëtarët e mazhorancës e bojkotojnë

Mbledhja e dytë e Komisionit Hetimor për zgjedhjet ka dështuar. Anëtarët e Partisë Socialiste në këtë komision kanë bojkotuar mbledhjen e parashikuar në orën 15:00.

Gazment Bardhi në një reagim në “Facebook” e ka konsideruar mungesën e kolegëve të mazhorancës, si papërgjegjshmëri në raport me interesin e qytetarëve.

Z. Bardhi tha se opozita nuk do të pengohet në ushtrimin e të drejtave dhe përgjegjësive të saj për hetimin e zgjedhjeve të 25 prillit.

Kryetari i këtij komisioni Enkelejd Alibeaj tha se bojkoti ndodhi për të penguar më tej hetimin e zgjedhjeve të 25 prillit.

Ai njoftoi se mbledhja e ardhshme do të zhvillohet më datën të premtën, në orën 10:00.

“Mungesa e arsyeja dhe justifikimeve duket që është strategji për të penguar veprimtarinë e hetimit të 25 prillit”, u shpreh z. Alibeaj.

Ndërsa, nënkryetari i komisionit hetimor, Toni Gogu nga Partia Socialiste tha për Enkelejd Alibeajn se ka vazhduar “shkeljen e rregullores së Kuvendit dhe mirëbesimit mes palëve”, duke qenë se data e mbledhjes duhet të votohej në komision, gjë që nuk ndodhi.

Për këtë, z. Gogu njoftoi opozitën që mbledhja të kryhet të ejten.