Dështon seanca e parë për zgjedhjen e presidentit të ri të Kosovës, deputetët mblidhen sërish nesër
Ka dështuar seanca e parë për zgjedhjen e presidentit të ri të Kosovës. Në raundin e parë të votimit morën pjesë 64 deputetë. Opozita mungoi në këtë votim të parë.
Lëvizja Vetëvendosje ka propozuar dy emra për presidente, Feride Rushiti dhe Hatixhe Hoxha, për të cilat edhe u votua.
63 vota ishin për Feride Rushitin, dhe një e pavlefshme. Hatixhe Hoxha nuk mori vota.
Ndërkaq, kryeparlamentarja Albulena Haxhiu njoftoi se seanca do të vazhdojë nesër nga ora 10:00.
Lëvizja Vetëvendosje nominoi Rushitin dhe Hoxhën për presidente. Rushiti është drejtoreshë e Qendrës Kosovare për Rehabilitimin e të Mbijetuarave të Torturës.
Rushiti dhe Qendra Kosovare për Rehabilitimin e të Mbijetuarve të Torturës (QKRMT) ishin nominuar për Çmimin Nobel për Paqe për vitin 2025.
Hatixhe Hoxha është doktorante në Fakultetin e Filologjisë në Universitetin e Prishtinës dhe është pjesë e Lëvizjes Vetëvendosje nga viti 2010. Ishte dy mandate deputete. Ajo është drejtoreshës e shoqatës “Autizmi”.
Të martën është afati i fundit për zgjedhjen e presidentit.
Kryefaqja
Kurti në Greqi: Demokracitë duhet të fuqizohen përballë autokracive dhe sfidave globale
Policët kosovarë i çojnë të fala Trumpit, i japin dhurata pastorit amerikan
Gjykata Supreme rrëzon ankesat, hapet rruga për certifikimin e zgjedhjeve në Kosovë
- 11:41 Mijëra persona në Marshin e Paqes në kujtim të viktimave të gjenocidit në Srebrenicë
- 11:31 Samiti i NATO-s në Ankara, liderët botërorë bëjnë foton familjare
- 11:18 Propozimi për statusin e “Dëshmorit të Atdheut” për gjyqtarin Kalaja, reagon Shoqata Kombëtare e Gjyqtarëve
- 11:13 Shpërthim me tritol në një automjet në Krujë
- 10:44 Nipi plagos me thikë xhaxhanë në Kamëz
- 10:43 Zyrtari i Emirateve të Bashkuara Arabe: Sulmet e Iranit, shenjë se janë të paaftë të angazhohen për uljen e tensioneve