Dështon seanca për Arbër Paplekajn, nuk ka kapacitete transporti

Gjykata e Elbasanit ka dështuar për herë të pestë të zhvillojë seancën paraprake në lidhje me procesin gjyqësor në ngarkim të ngjarjes së 21 prillit 2021.

Drejtoria e Policisë së burgjeve ka njoftuar gjykatën se nuk ka pasur kapacitetet e nevojshme fizike për të bërë shoqërimin e Paplekajt, të akuzuarit kryesor në këtë proces, në ambientet e kësaj gjykate.

Arbër Paplekaj ishte kërkuar të ishte prezent në seancë, por u përfaqësua nga avokati Mirash Martini.

Në lidhje me ngjarjen e ndodhur 4 ditë përpara zgjedhjeve të 25 prillit 2021 në Elbasan ku mbeti i vrarë Pjerin Xhuvani dhe u plagosen 4 të tjerë, nën akuzë janë vënë edhe 2 ish-nëndrejtorët e policisë së Elbasanit për shpërdorim detyre dhe 6 vartës të tyre.

Në atë ngjarje të ndodhur në lagjen ‘5 Maji’, anëtarë të strukturës së mbrojtjes së votës për Partine Demokratike kanë ndaluar një automjet me të dyshuar si eksponentë që punonin për blerjen e votave për Partine Socialiste. Debati verbal i nisur mes palëve përfundoi me 1 viktimë dhe 4 të plagosur.

Seanca e radhës do të zhvillohet më 30 shtator.

LEXONI GJITHASHTU:

• Shtyhet për herë të pestë seanca për ish-efektivin e RENEA-s, Arbër Paplekaj
• Shtyhet seanca për ish-efektivin e RENEA-s, Arbër Paplekaj
• Vrasja e Pjerin Xhuvanit, Berisha: Paplekaj qëlloi për vetëmbrojtje