Rezarta Delisula tregon destinacionet ku mund të kaloni fundjavën dhe buxhetin që ju duhet

Rezarta Delisula, autore e misionit “Destiancion” në Euronews Albania foli rreth destinacioneve më interesante që mund të vizitohen brenda vendit tone duke sqaruar dhe buxhetin përkatës për secilin udhëtim.

“Tirana ka 19 kala që mund të vizitohen dhe janë pa pagesë dhe mund të kthehen në formë pikniku nga familje të ndryshme. Të merret ushqimi në shtëpi ose zgara është një tjetër variant”,- tha Delisula teksa dha një opsion për familjet që nuk kanë shumë mundësi ekonomike dhe që një destinacion afër kryeqytetit do ju leverdiste.

Ndërkaq Kruja, Durrësi apo Elbasani ishin të tjera sugjerime interesante që Rezarta Delisula propozoi në mënyrë që përveç parave të mund të kursehet dhe koha.

Sa i përket promovimit të vendeve turistike për të cilat qytetarët nuk kanë dijeni ajo tregoi se në emisionin “Destinacion” në Euronews Albania të gjitha këto vende bëhen publike javë pas jave.

Këtë herë do të eksplorohet një destinacion fantastik fare pranë Tiranës të cilin mund ta zbuloni vetëm duke ndjekur  “Destinacion” këtë të enjte në 18:30.