Detaje nga dhunimi i nënës së heroit në Pejë, familjarët paguanin 650 euro në muaj

Një e moshuar dyshohet se dhunohej prej kohësh nga punonjëset e një qendre azili pleqsh në qytetin e Pejës në Kosovë, por rasti i rëndë u bë publik vetëm pas publikimit të një videoje në rrjetet sociale.

Në video shfaqet njëra prej punonjëseve që godet me shpulla të moshuarën, ndërsa koleget e saj qeshin në sfond.

E moshuara është e ëma e Taulant Nurës, i rënë në luftën për çlirimin e Kosovës. Të afërmit e viktimës e kanë nxjerrë menjëherë nga azili privat, ku siç deklaruan paguanin 650 euro. Ata thanë se ajo nuk kishte treguar dhunën pasi vuante nga alzhaimeri.

Policia e Kosovës ka arrestuar infermieren që shfaqet në video dhe një person tjetër.

Pronari i azilit deklaroi se nuk ishte në dijeni të dhunës dhe se për rastin në fjalë ndjente vetëm mllef.

Politikanë e figura publike reaguan gjithashtu. Presidentja Vjosa Osmani e cilësoi të papranueshme dhunën dhe kërkoi vënien para përgjegjësisë të personave përgjegjës.

LEXONI GJITHASHTU:

• Dhuna ndaj të moshuarës në Pejë, reagon Osmani: E patolerueshme
• Dhunimi i të moshuarës në Pejë, përlotet gazetari gjatë raportimit live (VIDEO)
• “E neveritshme”, reagon Ramush Haradinaj për dhunimin e të moshuarës në Pejë