DETAJET/ Gazetari skanon tre kandidatët për drejtues të SPAK: Ja profili i tyre

Gazetari Armand Bajrami tregoi në emisionin Now në Euronews Albania detaje nga karriera e tre kandidatëve për kreun e SPAK,  Adnan Xholi, Altin Dumani dhe Edvin Kondili.

Ai u shpreh se të tre kandidatët janë prokurorë karriere, dinjitozë dhe që kanë pasur në dorë dosje të rëndësishme.

“Adnan Xholi është në vitin e 25 të karrierës si prokuror, ka qenë drejtues i Krimeve të Rënda, së fundmi para se të shkonte në SPAK, ka qenë pjesë e Prokurorisë e Përgjithshme. Dumani është prokuror me 23 vite karrierë, ka qenë në Prokurori në Tiranë dhe rrethe. Për një periudhë ka qenë drejtues i njësisë Task Force në Prokurorinë e Tiranës ku ka pasur rezultate shumë të mira. Kondili ka 18 vjet karrierë si prokuror, ku 15 vite ka qenë te Krimet e Rënda dhe 3 vite në SPAK. Dumani dhe Kondili garojnë për herë të dytë për këtë detyrë, i ri në këtë garë është Xholi”, tha gazetari.

LEXONI GJITHASHTU:

• Vishaj bën bilancin e SPAK: Pse s’ka ndërhyrje politike dhe arrestimet e bujshme
• Avokati Ngjela: Ne kishim besim, SPAK-u dështoi