Dhjetë muaj në çadër, Lulzim Basha viziton familjen Gjoni në Kurbin

Familja e Viktorit Gjonit në qytetin e Kurbinit prej 10 muajsh jeton në çadër pas dëmeve që banesa pësoi nga tërmeti i vitit të kaluar.

Kryetari i Partisë Demokratike, Lulzim Basha vizitoi familjen Gjoni ku pa nga afër vështirësitë me të cilat ata përballen.

Prej 7 vitesh, kryefamiljari nuk ka mundur të gjejë një punë dhe të ardhurat e vetme vijnë nga ndihma ekonomike.

“Shkoj të marr një thes miell më thonë nuk kam mundësi për ta dhënë se s’ke ku i merr që të m’i  japësh edhe unë s’kam lekë që të marrë furnizimin. Vetëm 39 mijë lekë të vjetra ndihmë ekonomike. Ato nuk e di, a t’ia marr ilaçe kësaj a të ha bukë, a të blej vaj. Ka 15 muaj që jam tu u marr vetëm me letrat me çertifikimin e kësaj prone. Më kanë marrë 900 mijë lekë, kam hyrë në borxh deri këtu. Ky edhe atë 39 mijë lekësh që e marr te ndihma ekonomike mundohet të ma marr mos me një mënyrë me një tjetër”,- u shpreh kryefamiljari, Viktor Gjonaj.

Partia Demokratike kërkon nga qeveria të zbatojë planin me 5 pika për rimëkëmbjen e ekonomisë e propozuar më herët nga demokratët në ndihmë të qytetarëve që u prekën nga tërmeti i një viti më parë.