Dhuna ndaj Mëngjesit, Dhoma e Avokatisë vendos tre ditë bojkot të seancave gjyqësore

Dhoma e Avokatisë, në mbledhjen e jashtëzakonshme të mbajtur këtë të martë, vendosi 3 ditë bojkot të punës së avokatëve të në të gjithë territorin e vendit.

Vendimi i Dhomës së Avokatisë vjen si solidarizimin në lidhje me ngjarjen e rëndë, ku u rrah barbarisht nga 4 persona avokati Sokol Mëngjesi.

Bojkoti i seancave gjyqësore pritet të fillojë ditën e mërkurë dhe pritet të zgjasë deri të premten.

28 anëtarë të këshillit votuan pro bojkotit për 3 ditë, ndërkohë që 12 anëtarë ishin dakord për bojkot 1 javor.

Kreu i Dhomës së Avokatisë Maks Haxhia bëri me dije se bojkoti nuk do të aplikohet vetëm për masat e sigurisë që janë me afat të ngutshëm.

Haxhia tha se bojkoti është detyrues për të gjithë avokatët pasi në të kundërt do t;u hiqet licenca.

“Nga ky vendim përjashtohen për të hyrë në seanca gjyqësore të gjithë avokatët që do të shqyrtojnë çështjet për masat e sigurimit, caktimin e masave, ndryshimin, zëvendësimin apo shuarjen e masave të sigurimit.

Për të gjithë avokatët që do të shkojnë në seanca gjyqësore, civile apo penale, jashtë këtij rrethi çështjesh do të konsiderohet shkelje e rëndë e disiplinës dhe do ti vihet në lëvizje komiteti disiplinor duke marrë masa deri në heqjen e licencës.

Gjithashtu këshilli i përgjithshëm ngriti një komision të përbërë nga të gjithë kryetarët e dhomave të cilit do të përgatitin një platformë drejtuar komisionit të ligjeve për të bërë ndryshime thelbësore në ligjet materiale dhe procedurale”, tha avokati Maks Haxhia.

LEXONI GJITHASHTU:

• Dhuna ndaj Mëngjesit, Dhoma e Avokatisë propozon 3 ditë bojkot të seancave gjyqësore
• 6 ditë në koma, avokat Sokol Mëngjesi dërgohet për mjekim në Athinë