Dhunë në stadiumet shqiptare, 3 episode vetëm fundjavën e shkuar

3 episode dhune janë regjistruar në futbollin shqiptar në harkun kohor të më pak se 1 jave, duke konfirmuar dështimin në garantimin e sigurisë nga autoritetet përkatëse.

Kategoria e dytë duket se është ajo më problematikja, ku dhuna ndaj futbollistëve apo gjyqtarëve si dhe sulmi ndaj autobusit të skuadrës është kthyer në normalitet.

Ndeshja mes Gramshit dhe Valbonës e luajtur ditën e shtunë është ndërprerë për shkak se kryesori i takimit u godit me grushta nga presidenti i skuadrës vendësem i cili më pas u shoqërua në komisariat ku u ndoq penalisht.

Në harkun kohor të 24 orëve, dy raste të tjera u regjistruan, duke konfirmuar mungesën e sigurisë për lojtarët. Fugoni i skuadrës së Pografecit me të cilin udhëtonin futbollistët dhe stafi u sulmua me gurë nga një i ri, i cili udhëtonte me automjetin e tij tip BMW.

Personi në fjalë hodhi sende të forta drejt autobusit duke thyer xhamin anësor, ndërsa pak orë pas ngjarjes ra në prangat e policisë.

E për të kaluar tek Superliga e Shqipërisë, tifozët e Tiranës u përplasën me atë të Teutës në kryeqytet, menjëherë në përfundim të përballjes së zhvilluar në ‘Air Albania’. Ndërhyrja e policisë qetësoi situatën, ndërsa videot vërshuan në rrjetet sociale.

LEXONI GJITHASHTU

• Barcelona pëson humbjen e dytë, Reali i Madridit qëndron 7 pikë larg
• VIDEO/ Tifozët mbushin stadiumin me lodra për fëmijët e prekur nga tërmeti