Dhunoi dhe kërcënoi me thikë bashkëshorten, arrestohet 57-vjeçari në Elbasan

Policia në Elbasan arrestoi një 57-vjeçar pasi ushtroi dhunë ndaj bashkëshortes së tij dhe e kanosi me thikë.

Në pranga u vu shtetasi N. K., 54 vjeç, për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta.

“Shërbimet e Komisariatit të Policisë Elbasan, pas marrjes së njoftimit se në lagjen “Haxhias”, një shtetas kishte kanosur me thikë bashkëshorten e tij, organizuan menjëherë punën për parandalimin e një ngjarjeje të mundshme kriminale dhe vënien e autorit përpara përgjegjësisë penale. Si rezultat i veprimeve të shpejta, u kap dhe u arrestua shtetasi N. K., 54 vjeç, për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta”, bëri me dije policia.

Gjatë kontrollit fizik, këtij shtetasi iu gjetën 2 thika, të cilat u sekuestruan në cilësinë e provës materiale.

LEXONI GJITHASHTU:

• VIDEO/ Momenti kur ekzekutohet biznesmeni Mëhalla në Elbasan
• Detaje nga vrasja e biznesmenit në Elbasan, qitësi dyshohet të jetë shtetas i huaj