Një ngjarje e rëndë ka tronditur Fierin, ku një i moshuar ka humbur jetën si pasojë e dhunës fizike të ushtruar ndaj tij.
Ngjarja ka ndodhur më 12 tetor 2024 në fshatin Hoxhare e Re (Povelçë), ku shtetasi me iniciale I.N. ka dhunuar fizikisht dy bashkëshortë të moshuar, N.R. dhe A.R., për motive ende të paqarta.
Si pasojë e dhunës së rëndë, i moshuari me iniciale N.R. nuk ka mundur t’u mbijetojë plagëve, ndërsa bashkëshortja e tij, A.R., ka pësuar lëndime të lehta.
Pas hetimeve të kryera, Prokuroria e Fierit ka përfunduar dosjen hetimore dhe ka dërguar çështjen për gjykim, teksa autori I.N. akuzohet për veprën penale “Plagosje e rëndë me dashje” me pasojë vdekjen dhe “Plagosje e lehtë me dashje”.
I akuzuari ndodhet aktualisht në paraburgim, ndërsa autoritetet vijojnë hetimet.
