Dhunuan të moshuarën në Pejë, gjykata jep vendimin për tre infermieret

Gjykata Themelore e Pejës ka marrë vendimin për tre infermieret të lidhura me rastin e dhunimit të së moshuarës në shtëpinë e pleqve “Orenda” në Pejë.

Sipas mediave të Kosovës, infermieret Aurona Pelaj, autore e dhunës, Altina Rexhepi dhe Remzie Kuqi do qëndrojnë një muaj në paraburgim.

Ndërkohë, Oda e Infermierëve të Kosovës ka marrë vendim për tërheqjen e licencës dhe fshirje të Profesionistëve Shëndetësor nga regjistri i Odës për të tre infermieret.

Ky vendim është marrë në një mbledhje urgjente me prokurorin, këshillin etik dhe kryetarin e OIK.

Ngjarja e rëndë ka ndodhur në Qendrën për të Moshuar “Orenda” në Pejë, ndërsa video e filmuar u përhap menjeherë në mediat sociale.

I menjëhershëm ka qenë dhe reagimi i autoriteteve të cilët kanë bërë të mundur dhe arrestimin e infermieres, Aurona Pelaj si edhe vajzës që e filmonte.

E moshuara e dhunuar është nëna e dëshmorit Taulant Nuraj i cili ka humbur jetën në moshën 17-vjeçare në luftën kundër Serbisë.

Veprimi i të resë ndaj të moshuarës ka marrë reagime të shumta në opinionin publik në Shqipëri dhe në Kosovë.

LEXONI GJITHASHTU: 

• ‘S’keni prova që Alibeaj bashkëpunon me Ramën’, gazetari përplaset me deputetin e PD
• Lista Serbe: Të shtunën vendosim për largimin e serbëve nga institucionet në veri