Digjet automjeti në Tiranë, asfiksohet 73-vjeçarja

Një automjet është përfshirë nga flakët këtë të diel në Tiranë në rrugën Ndre Mjeda. Sipas burimeve të policisë, automjeti ka qenë i parkuar në një garazh në momentin e ngjarjes.

Nga kjo ngjarje ka mbetur e asfiksuar një e moshuar 73-vjeçare, e cila sipas të dhënave tashmë është jashtë rrezikut për jetën. Grupi hetimor është duke punuar për zbardhjen e ngjarjes

“Më datë 26.03.2023, në rrugën “Ndre Mjeda”, në një garazh, ka rënë zjarr në automjetin e parkuar të shtetases A. B.

Si pasojë është asfiksuar nga tymi shtetasja H. Gj., 73 vjeçe, e cila ndodhet jashtë rrezikut për jetën.Grupi hetimor po punon për sqarimin e rrethanave të ngjarjes”,-thuhet në njoftimin e policisë.

LEXONI GJITHASHTU:

• Vendosja e armëve bërthamore ruse në Bjellorusi, Borrell: Gati për sanksione të reja
• Ahmetaj nën hetim nga SPAK. Gazetarja: Këtë javë do kemi zhvillime të reja