Gazetarja Glidona Daci e ftuar në Euronews Albania tha se kjo javë pritet të jetë një javë zhvillimesh sa i takon çështjes së Arben Ahmetaj.
Sipas gazetares këtë javë mund të vijë edhe një qëndrim final i SPAK rreth çështjes në fjalë.
“Besoj se gjatë kësaj jave do ketë sërish zhvillime sa i përket çështjes së Arben Ahmetaj. Mund të kemi kërkesë për kontrolle banesash ose kontrollin e zyrës apo të sendeve personale të deputetit Arben Ahmetaj nga ana e Prokurorisë së Posaçme. Mund të kemi zhvillime të tjera, mund të mbërrijnë letër-porosit ku ne do të mundemi nëpërmjet burimeve të sigurojmë edhe informacionet që mund të kenë mbërritur nga ato porosi.
Ndoshta mund të kemi edhe verdiktitn final ku SPAK do duhet të mbajë një qendrim për sa i takon kësaj çështje. Nëse ka prova të forta për të cilat mund të marrë një vendim apo do i drejtohet gjykatës me një kërkesë për caktim të masës së sigurimit për ish-zëvendës kryeministrin dhe më pas të shikojmë nëse do të nisë një betejë mes drejtësisë dhe zotit Ahmetaj”,-tha për Euronews Albania gazetarja Glidona Daci.
LEXONI GJITHASHTU: