Diplomati Agim Nesho ishte i ftuar këtë të shtunë në “Balkan Talks” në Euronews Albania. Gjatë bashkëbisedimit të tij me gazetarin Franko Egro, Nesho tha se sfida e parë me të cilën përballet presidenti i ri i SHBA-së Trump do të jetë shuarja e konfliktit mes Rusisë dhe Ukrainës pasi ka qenë një ndër premtimet e tij gjatë fushatës elektorale.
“Trump e ka deklaruar që do ta mbyllë konfliktin Rusi-Ukrainë para 20 janarit dhe të gjithë emisarët e tij që merren me politikën e jashtme i kanë paraqitur atij projektet nga më të ndryshmet për zgjidhjen e këtij konflikti. Trump është personalitet i paparashikueshëm, njeri i fortë dhe që di të negociojë. Ai ka mënyrën e tij të diskutimit për çdo çështje, nuk ka paragjykime dhe komplekse historike dhe kjo është gjë pozitive. Të gjitha premtimet e tij që do të ndalonte konfliktin në Ukrainë, në Lindjen e Mesme dhe vende të tjera kishin një perceptim shumë pozitiv te njerëzit që janë të lodhur nga luftrat dhe situatat e tilla në botë. Mendoj që po punohet shumë dhë kjo është sfida e tij e parë siç e ka deklaruar dhe vetë që do ta mbyllë para 20 janarit konfliktin mes Rusisë dhe Ukrainës por dhe njerëzit besojnë se ky personalitet mund të bëjë ndryshimin”, tha Agim Nesho.
LEXONI GJITHASHTU:
- Rusia lëshon 93 raketa dhe 200 dronë në Ukrainë, Zelensky: Duhet reagim masiv!
- Trump beson se nusja e tij Lara mund të vazhdojë dinastinë politike
