Disa të vdekur e të plagosur pas sulmit me armë në Pragë, ekzekutohet autori

Policia çeke thotë se të shtënat në qendër të Pragës ka vrarë një numër të paspecifikuar njerëzish dhe ka plagosur të tjerë.

Nuk dihen detaje rreth viktimave apo rrethanave të të shtënat me armë zjarri të së enjtes në kryeqytetin e Republikës Çeke. Policia ka thënë se e ka vrarë sulmuesin dhe e gjithë ndërtesa është duke u evakuuar.

Disa studentë kanë treguar në platformën X – të njohur më parë si Twitter se kanë mbyllur dyert me mjete të ndryshme për të parandaluar sulmuesin. Policia u ka kërkuar banorëve të Pragës që të qëndrojnë nëpër shtëpitë e tyre.

Autoritetet e kanë mbyllur gjithë sheshin Jan Palah ku është ndërtesa e fakultetit, dhe zonën përreth. Universiteti i Karlit është në qendër të Pragës, rreth 500 metra prej Urës historike të Karlit, atraksioni kryesor për turistët.

Deri më tani dyshohet se të paktën 11 persona kanë mbetur të vrarë pas sulmit të armatosur në Universitetin e Pragës, ndërsa 24 të tjerë janë plagosur, 9 prej tyre në gjendje të rëndë.

LEXONI GJITHASHTU:

• Sulm me armë në universitetin në Las Vegas, policia: Autori u gjet i vdekur
• Sulm me armë në një restorant në SHBA, të paktën 22 të vdekur