Dita e Çlirimit, Begaj uron shqiptarët: Nderim përjetë atyre që na dhuruan lirinë

Presidenti i Republikës, Bajram Begaj, ka uruar shqiptarët për ditën e Çlirimit të vendit nga pushtuesit nazi-fashistë.

Përmes një reagimi në Facebook, Begaj shpreh nderim për ata që me sakrificat e trimërinë e tyre na dhuruan lirinë.

Kujtojmë se ditën e sotme në varrezat e dëshmorëve në Tiranë, u mbajtën homazhe nga krerët më të lartë të shtetit, me rastin e ditës së Çlirimit.

Në homazhe morën pjesë presidenti Bajram Begaj, kryeministri Edi Rama, kryeparlamentarja Lindita Nikolla dhe kryebashkiaku i Tiranës, Erion Veliaj.

Më vonë edhe ish-presidenti dhe kreu aktual i Partisë së Lirisë, Ilir Meta, zhvilloi homazhe në Varrezat e Dëshmorëve.

29 nëntori është shpallur festë kombëtare që nga viti 1997, që pas ardhjes së të majtëve në pushtet.

Kjo pasi të dhjathtët nuk e njohin këtë ditë dhe e festojnë çlirimin e Shqipërisë në 28 nëntor, në ditën e Pavarësisë së Shqipërisë.

Kujtojmë se ditën e djeshme Shqipëria festoi 111 vjetorin e Pavarësisë nga Perandoria Osmane, nga e cila sundohej prej rreth 500 vitesh.

Reagimi i Begajt:

Gëzuar Festën e Çlirimit Shqipëri!

Nderim përjetë atyrë që me guximin, trimërinë dhe sakrificën sublime na dhuruan lirinë!

LEXONI GJITHASHTU:

• Kush e financoi shpalljen e pavarësisë? Flet historiani Erald Kapri
• “Koncerte hipokrite”, Erald Kapri: Ja pse erdhi Albin Kurti në Vlorë