Dita e Tokës, Albsig pastron disa rrugë në Tiranë

Në ditën e Tokës, punonjës të shoqërisë së sigurimit Albsig dhe agjencisë së parqeve dhe rekreacionit në shenjë sensibilizimi pastruan mbeturinat tek liqeni i Tiranës.

Drejtoresha e marketingut të Albsig, Valbona Dako foli për rëndësinë e mjedisit të pastër.

“Sot në ditën botërore të Tokës, së bashku me Albsig dhe së bashku me APR-në kemi dalë në këtë fushatë sensibilizuese për të mbajtur planetin pastër. Kjo nuk do të jetë fushata e parë dhe as e fundit. Në muajt në vijim, Albsigu do organizojë dhe fushata të tjera sensibilizuese të kësaj tipologjie, ku përfshin edhe përgjegjësine sociale”, tha drejtoresha e marketingut në Albsig, Valbona Dako.

Dita e Tokës është një ngjarje vjetore që festohet në të gjithë botën më 22 prill për të demonstruar mbështetjen për mbrojtjen e mjedisit.