‘Divjaka në gjendje lufte’, deputeti denoncon grabitjen me armë në mes të qytetit

Deputeti i Partisë Demokratike, Saimir Korreshi ka denoncuar një grabitje me armë në mes të ditës në mes të qytetit të Divjakës.

Përmes një postimi në Facebook, Korreshi shkruan se shteti është në kaos dhe këto janë pasojat e fukarallëkut dhe të shtetit të shpartalluar.

“Divjaka në gjendje lufte vetëm se kësaj radhe nuk bëhet më lajm edhe pse ky i dyti është më i frikshëm. Në qendër të Divjakës sot në orën 15:40 është vjedhur me armë nga 3 persona të maskuar Agjencia e Western Union. Në ato momente Policia ka qenë në drejtim të paditur dhe pikërisht në drejtim të paditur ikën dhe autorët. Shteti në kaos, këto janë pasojat e fukarallëkut dhe të shtetit të shpartalluar”, shkruan Korreshi në Facebook.

Kryetari i bashkisë Divjakë, Fredi Kokoneshi dhe shoferin e tij u plagosën me thikë mëngjesin e së premtes. Ngjarja ndodhi në afërsi të bashkisë Divjakë

Autori i sulmit  Orgest Xhelili, ishte IT në bashki dhe ka kryer krimin pasi u shkarkua nga puna bashkë me gruan e tij e cila ishte drejtoreshë e infermiereve në poliklinikën e Divjakës.

LEXONI GJITHASHTU:

• Kokoneshi sillet tek trauma, Kryebashkaku i Divjakës në gjendje të stabilizuar
• Zbulohet arsyeja pse Orgest Xhelili plagosi kreun e Bashkisë Divjakë