Divorcet tek noteri, Sadushaj: Rastet me fëmijë i zgjidh gjykata

Mimoza Sadushaj, Kryetare e Dhomës së Noterëve u shpreh për Euronews Albania se “divorcet tek noteri’ është një iniciativë e ngritur nga noterët për çiftet që duan ta ndahen me mirëkuptim.

Ajo u shpreh se kjo nismë është në fazë diskutimi.

“Kjo është ende një iniciative e ngritur nga Dhoma Kombëtare e Noterëve. Jemi ende në fazën e diskutimeve. Kjo iniciativë parashikon që të gjithë divorcet që kanë të bëjnë me çiftet që nuk sjellin pasoja, të gjithë kur vendosin të zgjidhin martesën e tyre me mirëkuptim, mund ta realizojnë këtë divorc tek zyrat noteriale”, u shpreh Saduashj.

Ajo nënvizoi se në rastet kur kemi të bëjmë me çifte që kanë fëmijët procesi i divorcit duhet të merret në shqyrtim nga gjykatë.

“ Është gjykata ajo që vlerëson interesin e fëmijëve”, u shpreh ajo.

Sadushaj tha se propozojnë që të jetë noteri ai që jep vendimin kur çiftet ndahen me mirëkuptim dhe më pas e çojnë për ekzekutim në zyrtar e gjendjes civile.

LEXONI GJITHASHTU:

• Divorc tek noteri, shmanget gjykata për çiftet që ndahen me mirëkuptim