Gjashte yje të bardhë, vendosur në forme harku sipër një harte të verdhë të Kosovës, në një sfond blu.

Ata simbolizojnë gjashtë grupimet kryesore etnike të Kosovës. Ky është sot flamuri i Kosovës që u adoptua prej saj menjëherë pas deklarimit të pavarësisë nga Serbia më 17 shkurt 2008.

15 vjet më parë flamuri krijua si rezultat i një gare ndërkombëtare për dizenjimin e tij, teksa u dorëzuan gati një mijë punime. Ky versioni i përdorur tani është punimi i konceptuar nga Muhamer Ibrahimi.

Në një intervistë për Euronews Albania dizenjuesi i flamurit të Kosovës tregoi simbolikën e ngjyrave në flamurin e krijuar prej tij.

“Ngjyra e verdhë e flamurit pasqyron pasuritë e Kosovës jo vetëm nëntokësore por edhe ato mbi tokë. Sfondi blu paraqet aspiratat e vendit në integrimin në institucionet euroatlantike ndërsa yjet e bardhë paraqesin komunitetet që jetojnë në Kosovë”, tregoi Ibrahimi.