“Djemtë i vendosin çmim vajzave”- Cerka tregon se çfarë ndodh në grupin Albkings

Gazetarja Rovena Cerka është shprehur se në grupin Albkings në Telegram, publikohen fotografi intime të vajzave pa dijeninë e tyre, me qëllim denigrimin.

Komentet Cerka i bëri në emisionin “Good Morning Albanians” në Euronews, ku tha se djemtë madje i vendosin çmime vajzave, duke ofruar në këtë grup kontaktet e tyre, si Instagram, Tik Tok apo edhe numrin e telefonit.

Ajo tha gjithashtu se krimi kibernetik në Shqipëri ka treguar se është i paaftë t’i luftojë këto lloj fenomenesh, të cilat sipas saj, nuk duhet të tolerohen.

“Nuk janë të pakta fotografitë e vajzave që janë të mitura dhe ndodhen brenda këtij grupi. Në grupka dy momente shumë të rëndësishme, vajza që punojnë në rrjetin e prostitucionit dhe ofrojnë kontaktet dhe fotografitë e tyre brenda grupit, duke u munduar të tërheqin klientë.

Nga ana tjetër, kemi djemë që u  caktojnë çmimin vajzave, që as nuk i njohin madje. Kjo ndodh me qëllim denigrimin e tyre. Kemi djem që ekspozojnë të dhënat e një vajze me kontaktin e tyre, Instagramin, TikTok-un, numrin e telefonit, etj dhe vendosin një çmim me qëllim denigrimin e tyre.

Nuk është hera e parë që ndodhin këto gjëra, por nuk do të thotë se duhet të tolerohen. Krimi kibernetik në Shqipëri ka  treguar se nuk është i aftë të merret me këto çështje”, tha Cerka.

LEXONI GJITHASHTU:

• Kërcënimet dhe shantazhet, Balla takim me drejtorin e TikTok për Politikat Publike
• Shantazhoi 3 të mitura me foto intime, kush është 27-vjeçari i arrestuar në Tiranë