Do e njohë Vuçiç Kosovën? Politikani serb tregon skenarët që do të ndjekë presidenti

Kryetari i Partisë Liberal Demokratike të Serbisë, Çedomir Jovanoviç beson se presidenti serb, Aleksandër Vuçiç nuk do e pranojë pavarësinë e Kosovës.

Në një intervistë për emisionin “Balkan Talks” në Euronews Albania, Jovanoviç u shpreh se Vuçiç i kupton problemet, teksa shtoi se në Ballkan, gjërat janë më emocionale dhe se ka një problem të madh mes Kosovës dhe Serbisë.

“Nuk e besoj, sinqerisht nuk e besoj. Nëse më pyesni, a i kupton problemet Vuçiç, a i kupton ai personalisht problemet? Unë do të përgjigjesha se po. Ai e kupton realitetin, jam i bindur që i kupton të gjitha, por politika nuk është si fizika, sidomos këtu në Ballkan. Ka shumë emocione, ky është një problem i madh për të dyja palët.

Duhet të veprojmë shpejt, të kemi shumë guxim. Ky është një problem i madh për të dyja palët. Tek e fundit, është problemi ynë. Interesi ynë është të zgjidhim këtë problem dhe të gjejmë një farë rrugëdalje të pranueshme nga të dyja palët”, theksoi ai.

LEXONI GJITHASHTU

• Analisti serb: Ja kur do ta njohë Serbia pavarësinë e Kosovës
• ‘6 kushtet për Asociacionin’, Vuçiç: Kurti po tallet më shumë me ndërkombëtarët
• Daçiç: Uashingtoni dhe Brukseli i dinë vijat e kuqe të Serbisë