“Do flas me Stoltenberg”- Vuçiç: Kërkoj seancë urgjente në OKB për Kosovën

Presidenti i Serbisë, Aleksandër Vuçiç, deklaroi se do të kërkojë një bisedë me shefin e NATO-s, Jens Stoltenberg, dhe më pas, një seancë urgjente të Këshillit të Sigurimit të Kombeve të Bashkuara (OKB) për shkak të situatës në Kosovë.

Ai tha se do të kërkojë që Këshilli i Sigurimit të urdhërojë KFOR-in që, bazuar në detyrimet e Rezolutës 12 44 – të parandalojë çdo veprim të mëtejshëm nga strukturat e sigurisë të Kosovës, që “kërcënon jetën, lirinë, sigurinë dhe mbijetesën e serbëve në Kosovë”, për të kryer “çmilitarizimin e të gjitha formacioneve të armatosura”.

Vuçiç shtoi se Serbia bëri gjithçka që mundi për të shtensionuar situatën në Kosovë, por se në Kosovë po kryhet një “aksion i persekutimit dhe spastrimit etnik” të serbëve, i cili është “mirë i organizuar dhe i mbështetur nga një pjesë e komunitetit ndërkombëtar”.

Sipas tij, në Kosovë po bëhet “kriminalizimi i popullit serb”.

LEXONI GJITHASHTU:

• Vuçiç: Po shqyrtojmë mundësinë të shpallim organizatë terroriste Policinë e Kosovës
• “Historia do t’’i japë të drejtë Kurtit”- Burimi: Çfarë do ndodh me veriun e Kosovës
• BE: Shpallja e dy organizatave në veri si terroriste, hap i njëanshëm