‘Do hakmerremi’, Rusia përplaset me Norvegjinë për mallrat

Të mërkurën, Moska akuzoi Norvegjinë për bllokimin e tranzitit të mallrave për rusët që jetojnë në arkipelagun norvegjez Arktik të Svalbard dhe kërcënoi Oslon me hakmarrje.

“Ne kërkuam që pala norvegjeze ta zgjidhë këtë çështje sa më shpejt të jetë e mundur”, tha Ministria e Jashtme e Rusisë në një deklaratë, duke njoftuar se ishte thirrur i ngarkuari norvegjez me punë në Moskë.

“Ne theksuam se veprimet jomiqësore ndaj Rusisë çojnë në masa hakmarrëse,” shtoi ai.

Rusia pretendon se Norvegjia bllokoi furnizimet me pajisje dhe ushqime në vendkalimin kufitar tokësor Storskog që do të ngarkoheshin në një anije me destinacion Svalbard për minatorët rusë në arkipelag.

Sipas Sergei Gushkin, konsulli rus në arkipelagun e Arktikut, ngarkesa përbëhej nga 20 tonë mallra, duke përfshirë shtatë tonë ushqime, dhe pjesë këmbimi dhe pajisje të nevojshme për dimrin e gjatë.

Norvegjia po bllokon mallrat në zbatimin e sanksioneve evropiane të miratuara kundër Rusisë për shkak të luftës së saj në Ukrainë, tha diplomati.

Një traktat i lidhur në Paris në vitin 1920 njeh sovranitetin e Norvegjisë mbi Svalbard, por gjithashtu u garanton shtetasve të shteteve nënshkruese lirinë për të shfrytëzuar burimet natyrore.

Ndërkohë, nënkryetari i Këshillit të Federatës, Konstantin Kossachev, akuzoi Oslon në Telegram për shkelje të Traktatit të Parisit.

LEXONI GJITHASHTU:

• Biden: SHBA po rrit forcat ushtarake në Evropë për kërcënimin rus
• Zjarr nga trazirat në burgjet kolumbiane, 51 viktima