Do i shpërthejnë godinën në Theth, flet pronari: Na terrorizuan që në 5 të mëngjesit
Diet Pjetërkolaj, pronari i godinës 3-katëshe që është konsideruar si ndërtim në dëmtim të hapësirës publike në Theth, ka folur për Euronews Albania, për gazetarin Teodor Gjerga.
Pjetërkolaj shprehet se ai dhe familjarët e tij janë gjendur, sipas tij, në një situatë terrori, ku fadromat e IKMT dhe IMT i kanë ardhur pranë godinës në orën 5 të mëngjesit të kësaj të shtune.
Objekti i ndërtimit është i babait tim dhe vëllezërve të mi. Nuk kemi marrë absolutisht asnjë njoftim; po të na njoftonin do të ndjeheshim më të liruar. Madje më kanë bërë rrethim në mëngjes, në orën 5, që u dramatizua e gjithë familja. Për fatin tim të mirë sapo isha zgjuar kur dola në oborr pashë që më kishin rrethuar shtëpinë në të katër anët. Nuk ndejta pa folur; sikur ishim kriminelë ky rrethim nuk mund të bëhet kështu.
“Hajde rri, pimë kafe, kur të vijnë njerëzit, filloni shembjen, meqë keni ardhur për këtë punë.”
Nuk na lejojnë të afrohemi dhe të nxjerrim asnjë lloj materiali nuk është ndonjë problem, meqë shteti e ka marrë. Meqë fiton shtëpi me këto shembje, i uroj t’u vazhdojnë deri në fund, asgjë më tepër. Vlera që kam investuar është mbi 300 mijë euro le t’i vlerësojnë ata që janë arkitektë.
Do të vendoset dinamiti për prishje, çfarë të bëjmë, të bëjmë luftë me shtetin?
Unë personalisht e deklaroj publikisht: shtetin s’e njoh fare se ekziston, përderisa shteti nuk më njeh personalisht dhe asnjë banor të Thethit. Por ai ka detyrim të mbledhë forcat policore dhe të vijë, dhe, inshallah, të mos na përgatisë për luftë.Me këtë ekonomi që na ka lënë ne fshatarëve me shembjen e turizmit, kam frikë për pasojat në malet që kam dëgjuar.”-shprehet Pjetërkolaj.
Prishjet në Theth kanë rinisur këtë shtunë ku do të prishen një numër i madh objektesh nga IMT dhe IKMT.
lajmi në përditësim
LEXONI GJITHASHTU:
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve