“Do ju bëj të famshme”- Joshte vajza me qëllim prostitucioni, arrestohet shqiptari

Një 48-vjeçar shqiptar, identiteti i të cilit nuk bëhet me dije, është arrestuar nga policia e Triestes për akuzën e “Shfrytëzimit të prostitucionit”.

48-vjeçari ishte shpallur në kërkim pasi Gjykata e Bolonjës e kishte dënuar në mungesë me 3 vite e 4 muaj burg.

Burri u ndalua në një kryqëzim në Miramares dhe është shoqëruar në burgun Coroneo ku do të vuajë dënimin e dhënë.

Shqiptari joshte vajza nga Rusia dhe Ukraina duke organizuar konkurse për kërcimtare dhe më pas i detyronte ato të ushtronin aktivitetin e prostitucionit.

Pasi vajzat vinin në Italia to keqtrajtoheshin dhe detyroheshin nën kërcënime të shumta që të dilnin në rrugë dhe të shkonin me klientë të ndryshëm kundrejt pagesës.

Aktiviteti i 48-vjeçarit u zbulua pas denoncimit në polici të një nga vajzave të shfrytëzuara prej tij.

LEXONI GJITHASHTU: 

• Tentuan të trafikonin 1 ton kanabis drejt Italisë, SPAK çon për gjykim 4 persona
• Rrezikoi jetën e plazhistëve me Jet Sky, gjobitet me 110 mijë lekë të rinj drejtuesi