Bjellorusia ka thirrur ambasadorin ukrainas për të diskutuar pretendimet se një raketë ukrainase ka rënë në Bjellorusi këtë të enjte.

Minsku pretendon se raketa S-300 u rrëzua nga Bjellorusia mbi rajonin perëndimor të Brestit rreth orës 7 të mëngjesit të sotëm.

Raketa dyshohet se ra në një fushë pranë fshatit Harbacha, rreth nëntë milje nga kufiri mes Bjellorusisë dhe Ukrainës.

Anatoli Glaz, nga ministria e jashtme bjelloruse, tha se Ukrainës i është kërkuar një hetim i plotë në lidhje me ngjarjen, pasi përsëritja e saj mund të çojë në pasoja katastrofike.

“Ne kemi kërkuar që Ukraina të kryejë një hetim të plotë për të gjitha rrethanat e lëshimit të raketës, të sjellë përgjegjësit para drejtësisë dhe të marrë masa gjithëpërfshirëse për të parandaluar përsëritjen e incidenteve të tilla në të ardhmen. Gjë që mund të çojë në pasoja katastrofike për të gjithë”, tha Glaz.

Ndërkohë nga pala ukrainase nuk ende asnjë përgjigje ndaj pretendimeve të Minskut.