Do ketë tërheqje të tjera njohjesh nëse nuk ka reagim, paralajmëron Enver Hoxhaj

Ish-ministri i Jashtëm i Kosovës, Enver Hoxhaj tha në një intervistë për Euronews Albania se tërheqja e njohjeve të Kosovës është pasojë e agresionit diplomatik të Serbisë.

Hoxhaj paralajmëroi se nëse nuk ka reagim nga politika në Kosovë, do të ketë të tjera tërheqje.

“Kemi të bëjmë me një agresion diplomatik, një luftë të ndyrë diplomatikë të Serbisë ndaj Kosovës ku Serbia po përdor çdo mjet të mundshëm për të dëmtuar Kosovën. Nga ana tjetër kemi një politikë të jashtme të Kosovës që është në gjumë, nuk kanë bërë asnjë përpjekje që Kosova të bëjë një fushatë të kundërt, të vizitojë vendet që kanë tërhequr njohje n dhe të parandalojë procesin e tërheqjes së njohjeve”, tha Hoxhaj.