Deputetja e Partisë së Lirisë, Monika Kryemadhi, u paraqit në ambientet e Gjykatës së Posaçme kundër Korrupsionit dhe Krimit të Organizuar.

Kryemadhi shoqërohej nga vajza e saj, Bora Meta, teksa hynte në ambientet e godinës, ku deklaroi se do të marrë disa letra.

Sipas informacioneve, Kryemadhi është paraqitur për të depozituar ankim mbi sekuestron e dy vilave në pronësi të saj dhe të së ëmës, Fatime Kryemadhi, prona të cilat janë bllokuar me kërkesë të SPAK.

Kryemadhi, është nën hetim nga SPAK për pastrim parash, korrupsion dhe mosdeklarim të pasurisë, në kuadër të dosjes CEZ-DIA dhe lobimit të LSI-së në SHBA.

Për të njëjtën çështje po hetohet edhe bashkëshorti i saj, Ilir Meta, i cili ndodhet në burg pasi ndaj tij është caktuar masa e sigurisë “arrest me burg”. Ndërkohë, çifti është në proces divorci.

LEXONI GJITHASHTU:

• GJKKO sekuestron pasuritë e Monika Kryemadhit dhe nënës së saj
• Kryemadhi pas daljes nga GJKKO: Nuk habitem nga vendimi i gjykatës, afërmendsh