“A po futet bota në një konfrontim më të gjerë apo këto janë masa të nevojshme përpara fillimit të negociatave të cilat mund të fillojnë pas ardhjes në pushtetit të presidentit të ri të SHBA-ve Donald Trump?”

Konflikti ruso–ukrainas ishte temë kryesore në emisionin “Balkan Talks” në Euronews Albania ku ishte i ftuar eksperti i sigurisë dhe ish-zv.komandant i Flotës Detare, Artur Meçollari i cili tha se vendimi i administratës Biden për të lejuar Ukrainën që të përdorë raketat me rreze të gjatë veprimi ishte i pritshëm dhe ky veprim do të ketë efekte më shumë sesa në terrenin e luftimeve në dobësimin e piskologjisë së popullit rus për luftën ndaj ukrainës.

“Ky vendim vjen si një reagim pas përshkallëzimit të veprimeve nga ana e Rusisë në konfliktin me Ukrainën dhe në këtë mënyrë përfshirja e forcave të Koresë së Veriut në operacionin ushtarak të pushtimit që po kryen Rusia në Ukrainë, kuptohet që duhet të sillte një vendim i cili do të ribalanconte raportet e forcave në terren dhe si e tillë dhënia e lejes për përdorimin e raketave ishte një nga mënyrat për reagim, por kuptohet që kjo leje nuk do të ketë ndikim direkt në opercionet ushtarake, por ajo tashmë do të vërë në diskutim ose do të nxisë që populli rus, jo vetëm do ti ndjejë pasojat e sulmit rus ndaj Ukrainës, por dhe do ti prekë pasi do të ketë efekt në psikologjinë e tij”, tha Meçollari.