“Do përshkallëzojmë qëndrimin”- Dhoma e Avokatisë mblidhet për dhunën ndaj Mëngjesit

Dhoma kombëtare e Avokatisë do të mbajë këtë të martë një mbledhje, ku do të vendosë mbi qëndrimin që do të mbajë pas sulmit të dhunshëm ndaj avokatit, Sokol Mëngjesi.

Më herët Dhoma e Avokatisë ka paralajmëruar pershkallezim të qëndrimit të tyre dhe keqardhje për mosreagim nga ana e komunitetit të gjyqtarëve dhe prokurorëve si pjesë e sistemit të drejtesisë.

“Dhuna ndaj avokatit është dhunë ndaj drejtësisë, ndaj gjyqtarit, prokurorit, përmbaruesit e noterit. Komiteti Drejtues i Dhomes, për këtë ngjarje të rëndë kriminale, shpreh keqardhjen për mungesën e një qëndrimi apo dënimit të tij, nga trupa e gjyqtarëve dhe prokurorëve, per atë ç’ka i ndodhi kolegut Tonë.

Duhet të bëjmë me dije që ligjvënësi në një nen të veçantë të Kodit Penal, për shkak të rolit dhe veprimtarisë të rëndësishme publike, vë në mbrojtje të cilësuar subjekte të tilla si deputetin, gjyqtarin, prokuroin, avokatin, ushtarakun dhe një sërë subjektesh që ushtrojnë funksione publike.

Dhoma e Avokatisë do të përshkallzojë qëndrimin e saj me qellim mostolerimin e dhunës fizike apo psikike ndaj avokateve, si dhe në mbtojie të dinjitetit profesional dhe interesave të jetës shëndetit e familjarëve të tyre”, njoftoi në një deklaratë të shtunën Dhoma e Avokatisë.

Avokati Sokol Mëngjesi u dhunua me sende të forta nga 4 persona, pas një konflikti pronësie. Pas 6 ditësh në koma, të hënën u vu re re një ulje të vogël e edemave.

Mëngjesi u transportua në Athinë për trajtim më të specializuar mjekësor, ndërkohë që ende nuk ka asnjë gjurmë nga agresorët që sulmuan avokatin.

Unfifomat blu vazhdojnë negociatat me familjarët, por pa rezultat.

Sipas sistemit TIMS rezulton se tre autorët e kësaj ngjarje nuk kanë dalë jashtë territorit të Shqipëri, por ekziston mundësia që ata të tentojnë të largohen në mënyrë ilegale.

LEXONI GJITHASHTU:

• “S’donim ta vrisnin”- Flet autori i sulmit ndaj avokatit, “kyç gojën” organizatori
• EMRAT| Dhunuan me leva avokatin Sokol Mëngjesi, identifikohen 4 autorët