“S’donim ta vrisnin”- Flet autori i sulmit ndaj avokatit, “kyç gojën” organizatori

Dritan Nano është identifikuar nga policia si organizatori i sulmit ndaj avokatit të ish-kryeministrit Sali Berisha.

Para grupit hetimor ai nuk e ka pranuar akuzën. Ndërsa Dorian Alia, njëri prej autorëve i cili u vetëdorëzua pasditen e të mërkurës, është shprehur se e ka goditur me grusht avokatin dhe jo me dorezë. Ai thotë se nuk kanë dashur ta vrasin, por vetëm ta trembin.

Sa i takon gjendjes shëndetësore të avokatit Mëngjesi, atij i është bërë një skaner mëngjesin e kësaj të enjteje ku sipas mjekëve janë shënuar përmirësime.

Megjithatë avokati vijon ende të jetë në koma artificiale.

Drejtori i policisë së Tiranës, Tonin Vocaj tha në një konferencë për median të mërkurën se avokati u dhunua për shkak të detyrës.

Ndërkohë që 3 agresorët e identifikuar dhe shpallur në kërkim janë Romario Tabaku, Elton Kasaj, Drivald Alija.

Ngjarja e rëndë u regjistrua rreth orës 08:50 minuta në rrugën “Pjetër Bogdani” ne zonën e ish-bllokut ne kryeqytet.

Policia po punon për arrestimin e autorëve ndërsa  kërkon ndihmën e qytetarëve për të bërë të mundur arrestimin e tyre duke vënë në dispozicion dhe një shumë prej 20 mijë eurosh.

Sulmi duket se ishte planifikuar pasi autorët dinin lëvizjet që pedagogu i Fakultetit të Drejtësisë kryente çdo mëngjes dhe e kanë pritur që ai ta linte fëmijën në kopsht.

LEXONI GJITHASHTU:

• VIDEO| Pamjet kur avokati Sokol Mëngjesi dhunohet në hyrje të kopshtit
• “Fituan çështjen dhe e dhunuan”- Vocaj zbardh ngjarjen me avokatin e Berishës
• EMRAT| Dhunuan me leva avokatin Sokol Mëngjesi, identifikohen 4 autorët