‘Do të fitoj i vetëm’, Verstappen ironizon ndaj Perez: S’di pse eliminohet shpejt

Sezoni aktual i Formula 1 është dominuar plotësisht nga Red Bull, skuderi e cila i ka fituar të gjitha garat deri më tani. Padyshim piloti më i mirë është Max Verstappen, me holandezin që synon të mbrojë titullin kampion bote. Deri më tani, 25-vjecari ka fituar 8 gara, ndërsa në 2 të tjerat fitues është shpallur Sergio Perez.

Në garat e fundit, meksikani ka zhgënjyer duke humbur shumë terren, madje shkaktuar pakënaqësi në skuadër.

Ai i cili ka përkeqësuar edhe më keq situatën është kampioni i botës, që ka kritikuar shokun e tij të skuadrës.

“Nuk e kuptoj paraqitjen e Sergio në provat zyrtare, pasi po eliminohet shumë shpejt. Me këtë makinë duhet të jetë në sesionin e tretë. Nuk e di se çfarë nuk shkon me të”- tha ai.

Më tej Verstappen ka ironizuar ndaj shokut të skuadrës, duke treguar se nuk ka nevojë për ndihmën e tij.

“Ne po luftojmë edhe për fitoren e titullit kampion për skuadra, por duke parë situatën aktuale, mendoj se mund t’ia dal edhe vetë t’i fitoj të dy titujt”- përfundoi ai.

Aktualisht diferenca mes dy pilotëve është 99 pikë, ndërsa vendi i tretë i takon spanjollit Alonso që përfaqëson Aston Martin.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU: 

• Përdhunoi nipin 7-vjeç, dënohet me 15 vite burg 46 vjeçari nga Kosova
• Vullkani në Islandë shpërthen për herë të tretë në 2 vjet, shkak tërmetet