Dogjën makinën në Unazën e Re, shpallen në kërkim 2 vëllezër nga RMV

Policia ka zbardhur dhe dokumentuar me prova ligjore djegien e një automjeti në zonën e Unazës së Re, e cila fillimisht u raportua si ngjarje aksidentale.

Dy vëllezërit nga Maqedonia e Veriut,  F. T., 37 vjeç, dhe M. S., 27 vjeç janë shpallur në kërkim si autorë të dyshuar të kësaj ngjarjeje.

“Nga veprimeve hetimore të kryera ka rezultuar se këta shtetas, në bashkëpunim me njëri-tjetrin, më datë 04.01.2024, në rrugën “Astrit Losha”, për motive të dobëta, kanë djegur automjetin e shtetases Xh. T”, tha policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• U dogjën makina dhe u plaçkitën dyqane, 8 të vdekur pas trazirave në Papa New Guinea
• Spahiu: Të burgosurit politik dogjën veten në 2013, jo karriget si Berisha