Dogji 10 ha tokë e qindra ullinj, arrestohet 63-vjeçari që vuri zjarrin në Selenicë

Një 63-vjeçar është vënë në pranga në Selenicë për zjarrvënie. Sipas njoftimit të policisë, më 11 Gusht ai ka ndezur një zjarr me qëllim pastrimin e barërave në kullotën e tij në fshatin Mërtiraj.

Si pasojë e erës zjarri ka dalë nga kontrolli dhe ka djegur 10 hektarë tokë, 320 rrënjë ulliri dhe bimësi të ndryshme.

Njoftimi i policisë:

Si rezultat i hetimeve dhe veprimeve operacionale, të kryera me qëllim identifikimin dhe nxjerrjen përpara përgjegjësisë penale, të autorëve të zjarrvënieve të qëllimshme apo nga pakujdesia, Stacioni i Policisë Selenicë vuri në pranga shtetasin B. H., 63 vjeç, banues në fshatin Kocul, Vlorë.

Ky shtetas, më datë 11.08.2024, ka ndezur zjarr me qëllim pastrimin e barërave në kullotën e tij, në fshatin Mërtiraj. Si pasojë e erës, zjarri ka dalë nga kontrolli dhe ka djegur një sipërfaqe toke prej 10 hektarësh, 320 rrënjë ulliri dhe bimësi të ndryshme.

Materialet procedurale i kaluan Prokurorisë së Vlorës, për veprime të metejshme, për veprën penale “Shkatërrimi i pronës me zjarr”.

LEXONI GJITHASHTU:

• Vijon zjarri në Malin e Tomorrit, mendohet të ketë qenë i qëllimshëm
• Vihen nën kontroll vatrat e zjarrit në Bashkinë Selenicë, situata nën monitorim