Radjol Hatia, një 25-vjeçar shqiptar është dënuar me 1 vit burg nga Gjykata e Kurërës në Mbretërinë e Bashkuar, pasi u kap duke u kujdesur për bimët narkotike në një “shtëpi bari”.

Në deklarimet e dhëna përpara gjykatës, Hatia tha se kishte gjashtë javë që kishte mbërritur në Mbretërinë e Bashkuar dhe kishte nisur punë në “shtëpinë e barit” për të shlyer borxhin që kishte marrë për të emigruar në mënyrë të paligjshme me kamion.

25-vjeçari shqiptar u kap duke u kujdesur për 400 bimë kanabisi në një plantacion lëndësh narkotike me llampa.

Prokurori Jim Davis tha se vlera e mundshme e drogës u vlerësua të jetë midis 48,000 dhe 182,000 £.

25-vjeçari u deklarua fajtor për prodhimin e një droge të kontrolluar të klasit B. Gjykata dëgjoi se ai nuk kishte dënime të mëparshme dhe dha një dënim prej 1 viti burg.