Dorëheqja e Bashës, Duma: Tani PD mund të ketë projekt fitues

Deputetja e Partisë Demokratike, Grida Duma e ka cilësuar dorëheqjen e Lulzim Bashës nga drejtimi i partisë, një mundësi për të ndërtuar ‘projekt fitues’.

“Nga ky çast, Partia Demokratike mundet të ndërtojë projektin e saj të fitores së madhe! Nga ky çast, Partia Demokratike, me të vetmit aksionerë: demokratët, mundet të shpalosë gjithë energjinë e jashtëzakonshme që ka”, shprehet Duma.

Deputetja ishte një prej zërave më kritikë ndaj Bashës pas rezultatit të dobët në zgjedhjet e pjesshme të 6 marsit.

Pas deklaratës së Bashës për dorëheqjen ka reaguar edhe Ervin Salianji, i cili u shpreh se “akti i Bashës është i mirëpritur, por i vonuar”.